#細手人士福音【1zpresso E 開箱介紹🥳😌】 - 集氣箱-Entrebox

#細手人士福音【1zpresso E 開箱介紹🥳😌】

Hello ha 😆大家好又係John!我又好耐未出過開箱了(由於最近忙緊好多嘢🤪),今晚終於有時間出下新文。今日同大家開箱介紹嘅係1zpresso E!😎😏

機身設計

1zpresso E 採用了全金屬機身(1zpresso 的標配🙈),配搭上調式設計。但佢個上調設計同其他的pro系列有一點不同,是透過轉動手柄去調節的。
而相比起1zpresso 其他系列, E 機身是比較幼的,尤其是對手掌🖐️比較細嘅女仔嚟講會更容易掌握,減低對手腕嘅壓力(係一眾女士嘅福音🥳)

用家體驗

首先上手第一印象🙋🏾‍♀️,成個1zpresso E 手感係十分輕巧,可能由於機身比較幼嘅緣故。
然後就研磨方面嚟講,1zpresso E 畀我的感覺是十分慳力,因為佢用了E系列刀盤的緣故(感覺上比j和k要慳力)。但均勻度方面就差 J系列少少。(都係正常嘅因為j系列比較貴)
照舊佢承襲了一向1zpresso嘅優良傳統就係上調式設計😎,透過直接扭動手柄和固定調節蓋,就可以改變研磨度,方便大家想換豆或者換器材沖。
但有樣嘢唔同就係佢冇Pro系列的上調節計那麼直觀。另外佢手柄嗰個圓形🌝握球,對手掌比較大嘅用家可能會覺得難掌握。

總結

就成部機嚟講其實係非常方便攜帶😌,加上價$都不算貴。在800元所有的段位的,擁有上調設計,研磨表現又唔差算係十分優秀,最抵死仲要包埋氣吹同埋清潔掃🤯真係夫復何求!

登入以留言

Copy link