Hello ha 😆😎 is me again！之前有好多新手朋友仔問我有冇啲類似星芒m1😍，但又平啲嘅選項😏唔搵唔知真係有😏😌，就係我哋今次介紹嘅時光濾杯🤣！

外型造工

今次時光🕔濾杯，都係日本🎌波佐見燒製(同M1嘅產地一樣😇)，上手嘅手感十分墜手，用手指彈落去聲音沉穩，甚至個密度比m1更高🕋。成個濾杯有12條長肋骨同12條短肋骨📊，亦都符合時鐘有12小時嘅設計🕛。(所以佢叫時光濾杯😗)

設計效能

由於時光濾杯用咗直肋骨📊設計，佢整體流速都係偏快嘅。整體流速比m1🗨️快5秒左右。
唯一唔同嘅就係濾紙喺呢個濾杯上面十分貼服😌，遠睇仲有啲似冰瞳濾杯😍(適合一眾強迫症用家🤭🤭🤭)

用家體驗

其實我覺得成個濾杯風味表現上同m1非常之相似😎🙈，都係強調個酸香同層次感🍋☕。如果問我嘅話我會覺得時光濾杯整體感覺比較甜身😋。(私心覺得係01版本嘅m1🤣)
佢喺做工同顏色上都冇大問題😇，非常之靚仔😏。加上佢成個價位都係二百九十蚊鬆啲，就性價比講係非常之高🥳。最抵死係佢有粉紅色同白色呢啲色系🤪
唯一一樣嘢唔好就係冇手柄可能比較麻煩🤔，不過兩睇啦🤣有啲人覺得咁樣會比較美觀😍。同埋雖然佢係日本製，但始終係中國brand做design (呢個位充滿梗🙈)

總結

對於新手🤫嚟講係絕對係一個福音😆，因為可以用一個比較平嘅價錢享受到好嘅濾杯體驗☕。希望今次開箱可以幫到想進一步玩咖啡，但有冇太多預算嘅新手朋友啦😉！