Timemore C3 手搖磨豆機 - 集氣箱 Entrebox
歡迎試玩

Timemore C3 手搖磨豆機

HKD 459

HKD 459

Timemore C3手搖磨豆機採用了S2C (Spike to Cut) 660 38mm不鏽鋼刀頭,上部分的齒磨會將咖啡豆切至較細體積,然後跌至下半部較鋒利嘅部分,進行二次研磨,刀頭表面經過打磨變得光滑比以往更鋒利,研磨得更加均匀;細粉方面亦會有更好的控制,造工比C2更加精細,研磨味道甜感明亮;機身輕巧,女生都容易掌控;金屬外殼金屬設計,非常耐用;可以研磨至三款不同嘅咖啡,包括意式咖啡、手沖咖啡及法壓壺。

  • 採用了S2C (Spike to Cut) 660 38mm不鏽鋼刀頭
  • 比以往更鋒利,研磨得更加均匀
  • 機身輕巧,女生都容易掌控
  • 金屬外殼金屬設計,非常耐用
清除

刀盤升級【Timemore C3 手搖磨豆機開箱】

Hi 大家好耐冇見啦 ! 今次就等我哋為大家引爆最新嘅消息——就係 Timemore 即將會為大家帶嚟手搖磨豆機系列update!

今次開箱 Timemore 入門級手搖磨豆機 C3,相信大家應該記得之前佢哋推出嘅 C2 手搖磨豆機大受好評,性價比超高,又方便收藏!近期佢哋推出咗 Timemore C3 手搖磨豆機,唔知同 C2 有咩分別呢?

開箱體驗

今次 Timemore C3 手搖磨豆機推出咗新款純黑色,而入面嘅包裝同以往一樣,都係以一個盒放置手搖磨豆機嘅配件、方便帶出街嘅袋仔及掃粉筆。

C3 手搖磨豆機機身都係以細為見稱,一隻手都揸得晒! 女仔揸手都唔會覺得辛苦。 機身採用金屬外殼金屬設計,非常耐用!

設計效能

既然佢係 Timemore C2手搖磨豆機嘅升級版,一於攞埋C2嚟比較一下啦!

兩部手搖磨豆機入面都係使用金屬軸心。

C3手搖磨豆機嘅刀盤特別經過打磨和新設計,造工更加精細!

拆開咗之後,發現最唔同之處就係不鏽鋼刀頭升級咗。Timemore C2 手搖磨豆機以往採用38mm 不鏽鋼刀頭,而今次 Timemore C3 手搖磨豆機就採用 S2C (Spike to Cut) 660 38mm不鏽鋼刀頭,刀頭比以往更加鋒利。

都係由 Timemore 團隊自己研發出嚟。

當中最大嘅分別就係 C3 手搖磨豆機嘅刀頭會先透過上部分嘅齒磨將咖啡豆切至較細體積,然後跌至下半部較鋒利嘅部分,進行二次研磨!

加上刀頭表面經過打磨變得光滑,咖啡豆會研磨得更加均匀,細粉方面亦會有更好嘅控制!

因為刀頭升級咗,建議研磨參數比以往C2手搖磨豆機有唔同,同時亦可研磨至三款不同嘅咖啡,包括意式咖啡、手沖咖啡及法壓壺。

跟住我哋就嚟睇下C3手動磨豆機研磨方面嘅表現啦!

timemore C3 研磨完之後,咖啡粉分佈相當平均,而細粉比例幾乎少之有少!

用家體驗

講咗咁多,我哋一於試下沖手沖咖啡睇下表現如何先!

Timemore C3 手搖磨豆機入豆量都係大概 20g 左右,而 C3 與 C2 手搖磨豆機一樣沿用具外層坑紋金屬機身,整個研磨過程手感舒服,但刀頭提升了的關係,C3 手搖磨豆機相對更省力。

兩者中途都並未出現卡豆情況,但研磨時間上 C3 磨豆機會再快少許,C3時間大約55秒,而C2則大約1分鐘左右。

使用建議嘅研磨參數沖煮咖啡時亦無發現咖啡粉堵塞嘅情況。

Timemore C3 手搖磨豆機所研磨嘅咖啡,沖煮後整體口感同甜度比以往C2較突出同乾淨,同時幾乎沒有因過多細粉而萃取出的澀味。

總結

總括而言 Timemore C3 性價比方面真係無得輸,500 蚊都唔使就買到個細粉極少嘅手搖磨豆機,磨出嚟咖啡粉夠晒平均。 仲可以用一個相宜的價錢嘗試Timemore自己最新的S2C設計。 新手來講如果想品嚐一杯甜感明亮嘅咖啡,Timemore C3 手搖磨豆機絕對係 $500以內的好選擇!

產品規格

重量0.430 kg
尺寸14.7 × 5.2 cm
顏色

White 白色, Black 黑色

商品評價

目前沒有評價。

搶先評價 “Timemore C3 手搖磨豆機”

Copy link