各位咖啡友，飲咁多咖啡，係唔係成日聽到「水洗」、「日曬」？但最近成日聽人講嘅「蜜處理」，又係咩嚟？點解個名咁甜？係唔係落咗蜜糖落去？今次就同大家拆解呢種神秘又高人氣嘅處理法，等你知道點樣分辨同欣賞佢嘅獨特甜味！

乜係蜜處理法

蜜處理起源於哥斯大黎加。哥斯大黎加的海拔較高，降水豐富但無法蓄水光照時間也不夠長。因此，當地借鑒了巴西的半日曬處理法，並改良成適合本國國情的蜜處理法。蜜處理可以有效節省水資源，還可以縮短咖啡處理時間，成為中美洲許多國家廣泛採用的處理方式。

• 水洗處理：會將果膠層完全洗走。
• 日曬處理：連果皮帶果膠一齊曬。
• 蜜處理？就係介乎兩者之間！只剝走外皮，刻意保留唔同厚度嘅果膠層，然後連同豆一齊曬乾。過程中，果膠層嘅糖份會滲入豆入面，進行發酵，從而帶嚟獨特嘅甜感同body。

蜜處理點樣造

1. 去皮 & 留膠 (Depulping & Mucilage Retention)
   用去皮機磨走外皮同部分果肉，但關鍵在於要精準控制，保留指定厚度嘅果膠層，唔可以完全磨走。
2. 日曬乾燥 (Drying)
   將呢啲黏滿果膠的豆，鋪喺非洲高架床或曬場上慢速曬乾。期間要不斷反動，防止發霉或過度發酵，過程可能長達 2-3 個禮拜。呢個步驟最考功夫！
3. 靜置 & 脫殼 (Resting & Milling)
   曬到理想濕度後，豆要放入倉庫靜置一段時間，等風味穩定。最後先用機器磨走已經乾透變硬嘅果膠層同羊皮紙，得出咖啡豆

蜜處理分類

黃蜜 (Yellow Honey)

• 果膠保留量：保留 ~50-75%
• 風味表現：酸甜平衡嘅代表！有明顯嘅水果甜香（如提子、熱帶水果），Body更圓潤，帶蜜糖尾韻。

紅蜜 (Red Honey)

• 果膠保留量：保留 ~75-100%
• 風味表現：風味更濃郁甜美，常見紅酒韻味、莓果、果汁感。Body厚重，酸度柔和。

黑蜜 (Black Honey)

• 果膠保留量：保留 ~100%
• 風味表現：極致濃郁！帶有深色水果風味（如熟布冧、果醬）、甚至少少酒酵感、朱古力甜。Body極其厚重順滑。