#高性價比義式專用手磨【1zpresso JEPLUS 🇮🇹☕】 - 集氣箱-Entrebox

#高性價比義式專用手磨【1zpresso JEPLUS 🇮🇹☕】

Hello ha 👋🤤!大家好又係我John😎 之前講咗咁多手沖用嘅手磨,今日就等我介紹一下意式專用版。
一講起 espresso 用嘅手磨相信大家第一時間會諗起🏆Appolo/Kinu m47🙊,但兩隻差唔多二三千蚊嘅價位,相信已經令好多玩家卻步🧙‍♂️。而1zpresso 就用千三元嘅價格玩出新高度。


設計:


維持 1zpresso 一貫嘅水準,超高用家體驗🤤。例如繼續沿用上調式設計,金屬外殼有皮質外皮防止手滑👋等等。


但最值得講係佢將調整格數的鈕扣,放咗喺透明蓋之下。一方面防止❌用家誤碰(意式手磨經常有嘅問題),又避免跳豆🌝(呢個都係m47同阿波羅嘅弱點)
除此之外 JEPLUS 亦都有磁吸粉杯同落粉鎚💡,可以直接將粉杯取下,放喺手柄上佈粉。唔似普通手磨咁又要扭嗰粉杯落嚟,又要慢慢倒粉◀️(一個唔小心成地都係)


調整:


1zpresso JEPLUS 可調整格數有400多格,絕對足夠大家調整義式咖啡用🙊🤣。調整嘅時候簡單扭動調整按鈕就已經可以,唔需要多餘嘅操作😉


研磨:


JEPLUS 用咗Itamill 黑色🏴鍍鈦刀盤,研磨效率非常快(如果你用C40磨esp ,無兩三分鐘⏱️都唔得)磨出嚟均勻度各方面都幾好。


手感:


磨上手十分慳力💪,唯一唔好就係金屬機身比較重🙊🤔(不過呢個都係esp 手磨嘅通病)


總結:


JEPLUS各方面做工設計都十分到位,絕對對得住佢個價錢呀🤣🤣,真係七分價錢十分體驗😌😏,亦都符合佢平民旗艦🏅嘅定位。

">登入以留言

Copy link