Hello ha 😆😎 又係我！今次就同大家開一下珈堂x陶作坊最新力作，老岩泥手沖壺🤩。珈堂相信大家有印象😏，之前嘅星芒M1就係佢哋出品㗎啦✨

外觀設計

都係採用咗傳統非温控手沖壺嘅外觀🧐(有少少似月印兔🐇)，而材質就係個人大愛嘅老岩泥，滿滿嘅手工粗糙感🤣

設計功能

珈堂喺設計呢個手沖壺嘅初期😏，係用製造全方位壺嘴嘅目標去創作，令到這個手沖壺不論係大水柱定點滴😌手法都可以輕鬆做到！(聽聞這個壺嘴前前後後改咗成年🤯)
材質方面就採用咗陶作坊經典老岩泥陶料，而成個壺無上到任何釉料🏵️。其實任何陶器本身都會有一定吸水率💧，而無上釉嘅陶器吸水率最高。所以有陣時大家見到啲茶壺越用會越潤就係咁解。
相信呢個設計係為咗令壺入面嘅水，可以充份同陶料嘅礦物質發生化學作用😌。老岩泥當中含有麥飯石⚫同其他礦物質可以和水中的Mg 和 Ca離子交換，令到水質軟化🤓，或者呢個就係官方話老岩泥手沖壺可以軟化水質嘅原因。(但呢個要之後拍片再詳細測試，暫時未有軟硬水機🤪)

用家體驗🥳

大家通常買呢啲非控溫手沖壺就係因為佢哋精良嘅壺口設計😍。今次呢個手沖壺就正正做到呢點😉無論點滴到大水都非常容易做到，唔使驚手震🤣！
另外就要講佢保溫📈嘅功能，由於本身係用陶料設計，整體保溫功能都幾好，唔似傳統不銹鋼手沖壺好容易就跌溫📉，增加沖煮的不穩定性。
最後成個壺因為係用陶料做，所以可以用直火煮水；而大家都唔使擔心用鐵器🦾煮水會有異味嘅問題。
至於官方講嘅軟化水質效果💧就要等之後有儀器再慢慢測試🤣🤣
不過聽過有個講法係陶料透過遠紅外線軟化水質🤔，因為遠紅外線可以令到水分子分解⚡，變成一啲離子，個人就唔係好認同。就算當佢呢個做法可以軟化水質💧，但水嘅離子極不穩定🚫，可以存活喺空間嘅時間非常非常非常之短，所以唔會維持到軟化狀態。另外都無論文支持過以上嘅講法🙈

總結

老岩泥手沖壺整體造工同出水功能都十分上等😌，算係符合佢本身嘅價錢定位😆。另外陶料做嘅手沖壺真係唔常見，大家有興趣不妨收一個去玩下！話唔定有新驚喜😏
P.S.
1.如果大嘅唔啱我哋仲有細版嘅老泥手沖壺!🥳😎
https://m.facebook.com/story.php?story_fbid=315551926550156&id=105652484206769