Hello！又到咗集氣箱開箱文嘅時間！今次帶大家開一個非一般嘅產品！外型夠晒特別之餘，用嚟沖煮都需要一定嘅技巧！

背景小介紹

講緊嘅就係由台灣陶作坊出品嘅Aurli奧利老岩泥流轉360濾杯！以往陶作坊曾聯乘Hario推出以老岩泥製作嘅咖啡濾杯， 當時我哋都有出過開箱片介紹😎，雖然流速偏快，但係因為老岩泥材質有溫潤水質效果💧， 所以出嚟嘅咖啡仍然具有豐富甜感同厚度😍

今次開箱呢隻係五次燒版本，五次燒即係將老岩泥濾杯放入窯爐以1500度高溫燒製五次。

五次燒比起一次燒質地更密實，聚溫性更高，因此能夠大幅降低咖啡苦澀感，提升甜感以及給予咖啡更平滑溫潤嘅口感。

講完材質，就嚟講下流轉360濾杯設計上嘅特點啦！

而Aurli奧利老岩泥流轉360濾杯同其他濾杯唔同嘅地方，佢係以「閥門式」為賣點。何謂「閥門式」？用家按著自己嘅沖煮方式同時間而排出咖啡，即係代表沖煮期間可以使用濾滴或浸泡方式，變化性多，可以達至唔同嘅萃取效果，概念同Hario Switch 相似。另外，市場大部分嘅閥門式設計濾杯都係以金屬或矽膠嘅物料製成，而佢係第一個以陶土製成嘅閥門式設計濾杯，包括底座同濾杯都係全陶土製成，都會比較耐用，而且沖出嚟嘅咖啡甜感上會較為明顯。

整體設計

濾杯重量約320G左右，感覺唔算十分重。

整個濾杯主要分為兩個部分，濾杯同埋底座。

濾杯為錐型設計，經過五次燒之後，整體嘅質地更密實，表面亦有燒製嘅痕跡。

而入面嘅部分由十二支肋骨製作，每一支肋骨大細都係一樣。

底部也是設有兩個小排放洞口，方便排出咖啡。

內圈設有兩個小排放洞口，咖啡最主要經這個位置而流出。

底座以圓形設計，外圈嘅部分特別加上一條線，提示用家若使用滴濾方式，即可調整至這個位置。

用家體驗

濾杯適合使用01錐型濾紙，研磨度可以比平時較為粗少許，並建議使用15G-20G嘅咖啡粉作為沖煮。我哋會使用三個唔同沖煮方式去示範，包括濾滴方式、浸泡方式及半浸泡方式。

濾滴方式

咖啡粉份量：15G

第一次注水：30G – 30秒

第二次注水：65G（大水柱）

第三次注水：65G（中水柱）

第四次注水：65G（細水柱）

水分比例：1:15

沖煮時間：2分30秒

溫度：88度

試後感：方式同同時嘅濾杯一樣，濾杯肋骨突出令整體流速都偏向快，而甜感比平時嘅陶瓷濾杯所沖出嚟嘅更明顯，風味較為蘋果、柑橘、茶感、花香。

浸泡方式

咖啡粉份量：15G

第一次注水：30G – 30秒 （於30秒將咖啡排出）

第二次注水：65G（大水柱）（每次注水後等待15秒，將咖啡排出）

第三次注水：65G（中水柱）（每次注水後等待15秒，將咖啡排出）

第四次注水：65G（細水柱）（每次注水後等待15秒，將咖啡排出）

水分比例：1:15

沖煮時間：3分30秒

溫度：88度

試後感：使用浸泡方式，令整個萃取時間長了大概一分鐘，而每次打開閥門嘅時候，流速都正常。萃取嘅風味會比偏向堅果味、黃糖、濃烏龍茶，未段口感都較強，整體比較厚實。

半浸泡方式

咖啡粉份量：15G

第一次注水：30G – 30秒 

第二次注水：65G（大水柱）（每次注水後等待15秒，將咖啡排出）

第三次注水：65G（中水柱）（每次注水後等待15秒，將咖啡排出）

第四次注水：65G（細水柱）

水分比例：1:15

沖煮時間：3分10秒

溫度：88度

試後感：將浸泡方式加上濾滴方式，令整個萃取風味上會更加平衡，而且更有層次感。前段會帶有蘋果、梨、花香味更突出，未段口感較為烏龍茶，而且留在口腔內都有一段較長時間，將兩個方式結合，幾乎將最好嘅咖啡風味完全萃取出嚟！

總結

如果咖啡只係使用單一沖煮方式，萃取風味方面會有限制。

而Aurli奧利老岩泥流轉360濾杯可以輕鬆咁幫你調整唔同嘅方式沖煮，將咖啡最好嘅風味萃取得淋漓盡致。

想有技巧挑戰性追求更多元化嘅手沖咖啡？呢個濾杯大家可以不仿一試！

溫馨提示

最後集氣箱提一提大家，若使用呢款濾杯嘅時候，有個位需要特別留意。

濾杯有兩個部分，當沖煮完成後，建議用手將它們一併過拎起，避免打爛底座或下壺嘅情況。

立即入手：https://www.entreboxhk.com/shop/aurli-old-rock-mud-5-times-360-dripper/