搵緊一部「細細部、容易磨」，意式手沖兩用嘅電磨擺喺屋企同office？啱啱入坑玩精品咖啡同single dosing? 咁就要留意下我哋今次開箱實測嘅主角 Felicita F47—— 慳位襟用嘅機身設計、user-friendly嘅操作體驗、精準高效嘅研磨效能，加埋親民嘅價格，絕對係近年電磨界入面成功脫穎而出嘅超新星。

機身設計

一開箱已經就俾佢型格嘅磨砂鋁合金機身嘅質感吸引住，最重要嘅係——佢修長嘅設計相當慳位，完全唔怕屋企或者公司無位擺，帶出街亦相當方便。另外，佢操作起上嚟亦容易上手，一插電、一㩒制就用得，新手都可以輕鬆一鍵做到高品質研磨。最後，佢嘅機蓋設置咗六塊磁石，確保研磨期間緊貼機身，加埋簡約嘅豆倉設計同氣吹，磨豆過程維持到穩定一致之餘，出品又均勻、仲解決埋殘粉問題添～

用家體驗

如果只可以用一句總結嘅話——就係「快、靚、正！」一開箱嘅時候F47嘅配件就一目了然，安裝起上嚟連說明書都唔使睇。 佢嘅刻度精細多檔之餘顯示清晰，成部機得一個按鈕，操作極度user-friendly。從開機到完成研磨，成個過程快速又高效，無論係手殘黨抑或新手，都可以輕鬆上手。

運作起上嚟都唔算好大聲，夜晚喺屋企又或者喺office沖啡都唔怕嘈到人啦～

F47簡約機身設計令到重新安裝嘅流程好簡單，唔使工具，擰幾下!可以快速輕鬆咁清理到研磨室同刀盤入面嘅細屑同油污。一體化嘅豆倉設計同隨機附送嘅氣吹，用後清潔同日常維護簡直毫不費力，仲順帶延長咖啡豆嘅新鮮度同減少浪費

研磨效能

佢260rpm嘅固定轉速亦都避免咗咖啡香氣喺高溫嘅情況下而流失，出品嘅咖啡粉自然保持到喺最佳狀態，高效率咁輔助用家沖出高水準咖啡。

另外，佢設有多檔精細刻度，研磨範圍全面，用家可以隨喜好調節出品咖啡粉嘅粗幼度，意式同手沖都可以透過呢部F47輕鬆做到，一部機就滿足到用家多種需要，大大減輕啡友們荷包負擔

佢一致而均勻嘅研磨效果，有效減少咖啡殘粉嘅整體設計，高效咁保證到出品質量，啱晒追求咖啡風味表現同完美口感嘅日常用家同專業咖啡師。

風味呈現

就手沖咖啡而言，F47善於磨出均勻精細嘅咖啡粉，有利用家掌控水流通過咖啡粉嘅速率，確保更平衡嘅萃取，咖啡會展現出豐富風味層次同更細膩口感。至於濃縮咖啡，F47亦有能力磨出極致細膩嘅咖啡粉，配合濃縮咖啡短萃取時間嘅特性，有助於達到理想壓力同水流速度，出品會做到有深邃香氣同濃郁口感。

缺點

佢機身外型絕對係稱得上時尚型格，唯一可以挑剔嘅就係佢嘅變壓器。對磨豆機嘅整體外觀有特別要求嘅用家嚟講，Felicita F47嘅變壓器可能會呈現出一種更加偏向實用嘅設計風格。當中嘅設計理念似乎更加集中喺功能性和耐用性，而唔係視覺上嘅吸引。呢種獨特嘅設計選擇，雖然對於追求高性能同可靠性嘅專業人士嚟講係理想，但未必可以完全滿足到所有人對於設備外觀嘅期望。

另外，Single Dose豆倉設計雖然有利精準量度，但亦都代表咗如果要同時準備多份咖啡，磨咖啡豆就會需要更多時間，對於部分啡友嚟講呢個就未必係最理想嘅選擇。

總結

Felicita F47係市面上少有見到適合玩single-dosing之餘，仲集高質實用同價格親民於一身嘅電動磨動機。佢偏向靜音嘅一鍵操作同慳位耐用嘅機身，係屋企同office都啱用嘅理想選擇。佢多檔精細嘅刻度調節研磨範圍全面，滿足到啡友們意式到手沖嘅需要。 $1600的定位 無論係新手定係追求咖啡風味表現同完美口感嘅啡友，呢部Felicita F47都絕對係最高性價比的選擇！！