最近呢幾年Timemore 火力全開🔥瘋狂出超高性價比的產品。今次開箱就係想分享下佢哋近年嘅暫時市面上最薄最細部嘅Timemore Mini 二合一電子磅啦～

機身設計

身為最薄最細部嘅電子磅Timemore Mini嘅機身厚度大約1.6 cm 同擁有10cm x 11.4cm 迷你尺寸 ！

重量同大細其實同一部電話差唔多，就咁放落褲袋出街都無問題。

知道大家平時想帶去朋友屋企沖啡 & chill又得😏帶去露營整杯morning啡慢慢嘆又得！

另外，佢本身採用一體化機身設計、磨砂平面同Type-C差電，用起上嚟手感良好，持久方便。

細心嘅廠家仲特登設置咗實體開關按鈕， 除咗可以避免誤觸開機嘅情況，整體亦更加慳電。

用家體驗

首先想讚下佢新增嘅流速顯示功能，無論係整濃縮咖啡定手沖咖啡都可以即時睇到自己注水嘅快慢，有得數據化同量化沖煮表現，想改進自己嘅注水手法同技術就更加有效率同方便啦。

另外，佢模式切換起上十分人性化，快㩒五次左下角嘅按鈕即可自由轉換意式/手沖模式。

而今次新版本嘅Timemore Mini多咗個espresso功能，落杯嘅時候重量顯示會自動歸零，落水嘅時候仲會自動開始計時，稱重同沖啡嘅過程自然更得心應手，出品同體驗直情提升咗幾個檔次添～

加埋佢全新設計咗防水、防滑、防熱嘅導流墊，清理起上嚟方便之餘，仲可以直接喺上面放置手柄，量度咖啡粉嘅重量更輕鬆，只可以講句：一機在手，唔使再有氣無掟唞。