近年市面上嘅磨豆機選擇越嚟越多，有時都真係幾花多眼亂，而要揀到一個喺功能、風味同層次感嘅表現上都啱自己心水嘅磨豆機就需要做更多嘅研究同比較。今次我哋開箱就幫大家全方位咁評測咗號稱近年Timemore 最高性價比嘅 S3二合一手搖磨豆機，鍾意飲意式同手沖咖啡又或者追求高精度研磨嘅你就千祈唔好錯過啦！

機身設計

Timemore S3 手搖磨豆機採用一體化全金屬嘅機身，拎上手有一種實在嘅手感同難以抗拒嘅金屬質感。所以就算用佢沖再多咖啡都可以維持精密穩固，徹底解決持久同耐用性嘅問題，所以特別適合使用頻率高嘅啡友。

另外，佢相機環式嘅調節設計亦都增添咗一份專業同型格，帶出去見人、比賽都絕對唔會失禮。

加上佢嘅專利自動彈合折疊手柄同底部防滑墊，隨咗方便收納出行之外，用起上嚟亦更加安心。

用家體驗

由我哋開箱到用咗一段時間之後，對佢嘅感覺都非常正面。首先就係調節機制，相機環式設計除咗令佢喺外型上增添咗型格同專業之外 ，實際操作起上嚟竟然仲有多一份驚喜，就係一轉動佢就可以感受到順滑的阻尼感，令研磨過程多一份玩味之餘，用家亦更容易享受沖啡嘅樂趣。

S3仲採用埋創新快速歸零設計，解決平時最困擾大家嘅拆機還原問題，用家只要按方向去扭緊，就可以快速歸零，絕對係手殘黨嘅福音～

順帶一提 就係佢可拆卸嘅設計，由刀盤到軸承都可以輕鬆拆出。如果你日常飲好多咖啡又或者無咩時間清理嘅話，呢個設計可以令深度清潔變得方便快捷，保證到咖啡出品品質嘅同時亦可以節省唔少時間，日常保養嘅成本大大減少。

研磨效能

首先，S3 擁有定制紅圈軸承，提高研磨時候穩定度同埋順滑感，就算女士都可以好慳力用到! 確保磨出咖啡粉嘅一致性同理想嘅粉徑分佈! 另外每格0.015mm令用家可以隨喜好精準咁調節磨出咖啡粉嘅粗幼度，輕鬆達至手沖到意式嘅要求。

S3 配備咗S2C 890刀盤，採用精選高硬度特種不銹鋼嘅磨芯同刀盤，金屬嘅特性令佢可以喺磨芯側面增加鋸齒，加工成更鋒利嘅邊緣，確保研磨咖啡豆時可以先刺碎，再研磨，更有效咁控制細粉比例同研磨均勻度，咁就確保到咖啡有出色嘅風味表現，帶出豐富嘅甜度同層次表現。

上圖係我哋實測S3得出嘅粉徑分佈圖，我哋可以發現，S3研磨出嚟嘅咖啡顆粒主要集中喺800-900µm，研磨均勻度表現出色。而喺200µm以下嘅細粉區亦都保持到一定比例，確保喺製作濃縮咖啡時有足夠細粉去維持萃取所要求嘅壓力水平。整體嚟講，S3所研磨出嚟嘅咖啡粉甜度同風味表現會比較突出，body亦都確保有一定厚度，口感自然都會更好。

缺點

唯一美中不足嘅位就係佢嘅研磨範圍未夠細，可以磨出濃縮咖啡粉嘅格數有限。

總結

Timemore繼續保持一貫嘅風格，今次推出嘅S3繼承咗過往產品嘅優點，然後再增加咗一啲根據用家角度出發嘅改進，令使用體驗同出品風味大大提升。作為一個意式手沖二合一手搖磨豆機，佢結合多項獨家專利同高精度研磨水準，加上方便用家收納摺疊手柄、全定制紅圈軸承同絲滑嘅手感，絕對可以稱上為近年最高性價比之選。