萃取均勻同咖啡粉層嘅狀態息息相關！相比手沖，Espresso嘅沖泡時間同份量都更少，萃取稍有不均就會好明顯飲得出！

【點樣先算係好嘅咖啡粉塵呢？】

最理想嘅狀態：咖啡粉同咖啡粉之間嘅每個通道呈緊緻狀態，唔會有特別寬或者窄嘅通道，讓水流平均通過每顆咖啡粉。當然，磨豆機嘅研磨效能對於咖啡豆嘅均勻度非常重要，但除咗一部好嘅磨豆機，我地都可以用WDT（Weiss Distribution Technique）確保咖啡粉係濾器中均勻分佈㗎！

【WDT嘅原理】

市面上有多款佈粉器，無論係多段調節佈粉針、定係經典型態嘅佈粉針，原理都係透過將細針從唔同角度及方向攪拌咖啡粉，打碎所有結塊令粉嘅分佈更加平均！減低通道效應（channeling），令水流可以均勻咁通過咖啡粉，以免有啲位因水流過低而萃取不足，或因過度萃取導致苦味。

【點樣有效使用WDT工具呢？】

1. 將WDT嘅細針從portafilter嘅邊緣插入咖啡粉，針頭接近底部位置
2. 以畫圓方法係basket中用針畫一個完整嘅圓圈
3. 係咖啡粉中心區域以畫小圈圈嘅動作攪拌
4. 經過WDT嘅咖啡粉質地會比較蓬鬆且均勻分佈，呢個時候可以係檯面上輕敲portafilter令啡粉平坦一啲
5. 最後用壓粉器輕壓咖啡粉，進行沖煮。

【WDT工具點樣選擇？】

比較幼嘅針先適合令咖啡粉變得蓬鬆同均勻，，而太粗嘅針反而會產生通道(channel)而唔係攪碎結塊！市面上有好多唔同款式嘅WDT工具，選擇好適合嘅針頭粗幼，再揀一個自己鍾意嘅設計款式就好，畢竟WDT工具會係你以後沖濃縮嘅好拍檔！

Subminimal 新推出咗一款筆形嘅伸縮WDT工具—— Flick

方便好玩好用，沖espresso嘅朋友值得入手！