Goat Story Acro 二合一磨豆機

相信每一個咖啡友都幻想過有一部細得嚟，又可以帶出戶外甚至旅行嘅磨豆機 ；有咁樣諗法嘅你，就唔可以錯過今次評測嘅Goat Story Acro磨豆機喇。呢款功能強大但體積細小嘅磨豆機，絕對可以昇華你研磨嘅體驗 。 篇文章我哋將會深度評測，Goatstory Grinder 究竟有冇啲乜嘢大缺點同埋值唔值得購買?

機身設計

Goat Story Acro嘅外觀十分之有設計感 ：一體化黑色霧面嘅鋁機身，直線同半圓形嘅機身線條，望落十分簡約而現代 。

Goat Story Acro最大嘅一個特色莫過於手動及電動兩用 。用家可以喺手動研磨和電動研磨之間切換，加上細小嘅機身設計，令佢成為居家出外嘅方便選擇 ：喺屋企就算連住電動底座都唔嘥位，仲可以拆出嚟帶返Office當手磨用，咁就唔便買多部手磨啦～

用家體驗

首先講返殘粉方面，相信這個部分係大家最concern的 !。由於佢本身就係一隻手磨+ Electric Motor，基本上機身係唔會有任何殘粉（電動模式都係！）。咁就唔使每次沖完咖啡都要費盡心思掃粉，沖啡嘅意欲即刻提升十倍 ，出嚟啲風味又會乾淨D～

另外，沖咖啡最頭痛嘅地方就係事後清潔：要拆出嚟抹之餘，啲殘粉喺啲窿窿罅罅好難掃走 ；而Goat Story Acro嘅易拆設計正正就解決咗呢點。

Espressoo方面相信大家都試過唔小心整瀉啲粉 ；但Goat Story Acro就冇呢個煩惱喇，因為佢嘅集粉杯採用磁吸設計，加上可以完美匹配落58mm嘅Espresso機手柄，接粉嗰陣將手柄合落集粉杯再反轉就搞掂，唔使再用catch ring，又方便又乾淨 ！

研磨效能

第二個位相信大家比較想知道佢究竟可唔可以磨Espressooo ?Goatstory Acro 本身有180格極細微調，涵蓋六種咖啡種類，無論要沖邊一種咖啡，都做到精細嘅研磨度，啱晒對研磨有要求嘅你 ；

另外佢嘅外調式設計亦方便用家輕鬆調校格數，咁就唔使好似傳統手磨咁要打開粉倉咁麻煩喇 ～

刀盤採用咗47mm氮化鋼結合10mm中軸雙軸承 結構，令中軸十分 穩定，咁就可提升研磨嘅均勻度啦 ～

磨粉嗰陣，手沖格數大約扭到94格，而沖Espresso就扭到30格。可以睇到佢研磨得十分均勻，唔會出現明顯嘅大顆粒～不過磨緊嗰陣就有少少嘈 。

用CM200 Testm個粉徑分佈都好均勻，相對嚟講細會多啲，我相信主要係因為要for espresso 要保留一定細粉去提高萃取率。Goat Story Acro嘅手沖風味大約係M47咁上下，但係仍然保留咗咖啡豆嘅甜味同香氣；而Espresso就偏甜身，層次豐富 。

缺點

成部機唯一個缺點電動模式真係會比較嘈(當然比起普通電磨靜一啲)不過好嘅地方就真係磨得好快，手沖/espresso都係三十秒內完成

總結

Goat Story Acro無論喺外觀定功能上， 個人覺得真係好好好好方便 ； 二合一手動電動兩用，無論喺任何場合都沖到一杯靚啡 。 整體來講都冇乜大缺點! 算係佢呢個價錢又唔想屋企擺多部電動磨豆機好選擇；呢個價錢 做到呢個效果只可以講:「Shut up and take my money！」