#手沖輔助神器【Lilydrip 💧】
Hello ha 😆大家好又係我John！又去到深夜放毒嘅時間，今次介紹嘅係Lilydrip。
Lilydrip相信都有唔少人聽過，甚至2019年台灣區手沖冠軍🏅都有喺比賽入面用過。佢係一個專門為手沖而設嘅輔助工具！而我哋今次開箱嘅就係一套四款嘅Lilydrip Set！
設計
外盒採用咗極簡嘅白色包裝💨，盒面上印住Lilydrip 嘅logo(個人覺得真心唔錯幾好睇😎)
打開之後入面就分別有四個唔同造型嘅Lilydrip，各自有相對應嘅流速🏄。仲有一個摺紙台畀大家撥濾紙添！
功能
其實Lilydrip成個理念，就係令到錐形🔺杯更容易做到均勻萃取的效果😌！佢透過頂高中間嘅粉層，令到整體粉層更薄。用家注水時💧可以更容易攪拌底層嘅咖啡粉☕，令粉層攪拌得更加均勻。Lilydrip亦可以改善新手經常遇到嘅塞水情況！(呢個都係一個錐形杯嘅特色😅)
用家體驗
首先Lilydrip 呢個set喺流速🌝上嘅分別的確明顯，因為四款Lilydrip有唔同造型🤯，有啲有肋骨有啲無，從而令到流速上有所不同。(不過呢個部分可以留喺開箱片到同大家詳細講😉)
就風味而言🤪，Lilydrip 沖出嚟嘅咖啡表現的確比較平均。整體飲落去十分均勻，無乜雜味，非常之順。(不過都可能有人唔鍾意🤣，口味呢啲真係好因人而異)
總結
整體而言我覺得Lilydrip真係幾抵玩😌，真心唔貴🤩 如果你買佢普通版(得一粒嗰個)50蚊左右就有交易😍，又平又有效果😇。
而設計者📊由理論層面出發，設計出Lilydrip去改善錐形杯嘅手沖過程，最後成功改變到手沖咖啡嘅風味。可以話Lilydrip係現代咖啡科學嘅結晶😆！
商品評價
目前沒有評價。